Special UC Meeting para gusali ng CAL

Mensahe ng pasasalamat mula sa dekano:

Mula sa Kolehiyo ng Arte at Literatura, lubos ang aming pasasalamat sa pagbuhos ng suporta mula sa iba’t ibang kolehiyo, UC Committee, AUPEAU, CALSC at mga organisasyon, kasama ilang Professor Emeriti at mga non-academic personnel kaugnay ng aming krusada sa paghahanap ng 𝐤𝐚𝐠𝐲𝐚𝐭 𝐚𝐭 𝐩𝐞𝐫𝐦𝐚𝐧𝐞𝐧𝐭𝐞𝐧𝐠 𝐤𝐚𝐧𝐥𝐮𝐧𝐠𝐚𝐧𝐠 𝐠𝐮𝐬𝐚𝐥𝐢 mula sa walong taong pakikitira sa Pavillion at Acacia.

Bagama’t hindi pa naman talaga ganap na nakukumpuni ang gusaling aming lilipatan, ang mga senyas, paramdam, at mga salita na nagmula sa bibig ng nakararami kasama ang buong suporta ng ating tsanselor ay sapat upang sabihing nakamit namin ang tagumpay mula sa sama-sama at kolektibong pagkilos ng isang nagkakaisang pamayanan. Hiling nami’y samahan n'yo pa kami sa ganap naming pag-okupa hindi lang sa pisikal na gusali kundi sa kamalayan ng marami na ang disiplinang Arte at Literatura ay bahagi at kabiyak ng karunungang dapat makamtan ng sinumang mamamayan ng mundo at upang maging ganap ang kaniyang pagiging tao.

Daghang salamat at padayon!

[BASAHIN DITO] Tugon ng pag-suporta ng University Council: